Në lajmet tona të “show-bizz”-it, në rubrikën “nostalgji” mund të gjeni fotografi, lajme apo intervista të veçanta, të publikuara gjatë viteve në suplementin “Bluetooth” të “Gazetës Shqiptare”. Në GSH.al, sot po ju sjellim:
Vangjushi me shpatulla të ngrohta
I takon të buzëqeshë në këtë formë Vangjush Dakos kandidatit të PS-së për Bashkinë e Durrësit, sepse i ka shpatullat e ngrohta nga kryesocialisti Rama. Në mbyllje të fushatës Rama ka përqafuar miqësisht kandidatin e tij për këtë bashki të madhe, edhe pse ky gjest miqësie s’ka dalë ashtu siç duhej për shkak të staturave të ndryshme.
Mediu bëhet pishman për Ushtarakun
Duke parë punën e mirë të ministrit të Shëndetësisë Petrit Vasili, ish-ministri i Mbrojtjes Fatmir Mediu duket sikur është bërë pishman që nuk e kaloi Spitalin Ushtarak që vare prej tij, në dorë të Shëndetësisë. “Mbase s’do më kishin fut aq shkopinj në rrota ata mjekët”, i thotë Mediu nën zë, ndërsa Vasili duke qenë se nuk i bëhet më derman kësaj çështjeje sheh punën e tij, për të qenë sa më i vëmendshëm në vendimmarrje.
Ky shkrim u botua më 7 Maj 2011
